Дзяржаўная ўстанова адукацыі “Скепнянскі дзіцячы сад - базавая школа Жлобінскага раёна”
Метадычная распрацоўка пазакласнага мерапрыемства
Мастацкая гасцёўня
“Незабыўны вобраз Купалы і непаўторнае хараство
яго спадчыны ў творчым мастацтве Беларусі”
Настаўнік беларускай мовы
і літаратуры:
Леўкавец Марыя Максімаўна
Скепня 2017
2
Мастацкая гасцёўня: ”Незабыўны вобраз Купалы і непаўторнае хараство яго спадчыны ў творчым мастацтве Беларусі”
Мзта: паказаць, якім паўстае вобраз Янкі Купалы ў розных мастацкіх жанрах;
фарміравацьу у вучняў уменне атрымліваць эстэтычную асалоду, імкненне ўносіць прыгожае ў жыццё;
развіваць у вучняў здольнасць успрымаць мастацтва;
выхоўваць павагу да паэта , пачуццё гонару за мастацкіх творцаў, якія ўвасобілі талент класіка беларускай літаратуры ў розных відах мастацтва;
Абсталяванне: мультымедыйная ўстаноўка; каляровы партрэт Купалы; запісы музыкі і песень на вершы Купалы; народных песень;
3
План правядзення мастацкай гасцёўні
1. Пісьменніцка – мастацкая акварэлька.
2. Лірычная акварэлька.
3. Гравюрна-літаграфічная акварэлька.
4.Скульптурная акварэлька.
На сцэне партрэт Купалы, пад ім даты 1882-2017, ніжэй лічба 130, пад лічбай словы Сяргея Законнікава
“Яго імя не вырваць
з нашых сэрцаў.
Ні часу,
ні нягодам,
ні бядзе.
Музычнае афармленне: Словы Янкі Купалы Музыка Ігара Лучанка “Спадчына”ў выкананні ансамбля “Песняры”. На сцэну выходзіць хлопец (малады паэт, на ім прыгожая народная кашуля, у руцэ трымае кнігу ) гучыць верш Янкі Купалы ”Я не паэта”
Кожны край мае тых, што апяваюць,
Чым ёсць для народа ўпадак і хвала,
А беларусы нікога не маюць,
Няхай жа будзе хоць Янка Купала.
4
На слайдзе дэманструецца “Пісьменніца-мастацкая акварэлька”. У нашым народзе бытавалі паданні пра тое, што ля калыскі кожнага немаўляці збіраюцца чараўніцы і прарочаць яму лёс. Відаць, мудрыя чараўніцы стаялі і ля калыскі Янкі Купалы і судзілі лёс самы слаўны, самы цяжкі і самы вялікі. Паэту наканавана было гадамі блукаць упоцемках і выйсці на святло, аслепнуць ад яго, але вывесці з цемры іншых. На гэтых палотнах Янка Купала паўстае перад намі сярод сваіх сяброў-пісьменнікаў, грамадскіх дзеячаў, выдатных людзей свайго часу. Гэты тытан паэтычнага і філасофскага слова зрабіў вялікі ўплыў на ўсё наша грамадства, а асабліва на творчую інтэлігенцыю.Часам уплыў быў больш апасродаваны - роздум пра жыццё – быццё народа з амілаванасць роднымі краявідамі - усё гэта паказалі ў сваіх мастацкіх палотнах Міхаіл Савіцкі, Яўген Зайцаў, Андрэй Волкаў. Яны ўдзячны лёсу, што ён парадніў іх з геніем нашай зямлі Янкам Купалам - і не толькі з ім.
Музычнае афармленне (гучыць беларуская народная песня”А на Купалу сонца рана ўстала”. На сцэну выходзіць дзяўчына ( Купалінка ў народным дзявочым ўбранні) у яе выкананні гучыць верш Уладзіміра Карызны ”Пакуль ёсць Купала”
Купала,
Купалле
і купал нябёс,
Куванне зязюлі
ля струн
лозаў ніцых…
Купала-
Шлях млечны
птушыных бяроз,
Жывыя званы
беларускіх
5
крынічак.
Купала
жыццё
і час быстрацечны,
Таму й не звядзецца
ніколі
наш род.
На слайдзе дэманструецца”Лірычная акварэлька”. Шчырае захапленне Васіля Шаранговіча паэзіяй Купалы прывяло да таго, што яшчэ ў часы вучобы ў тэатральным інстытуце ён стварыў цыкл ілюстрацый паводле паэм Янкі Купалы”Курган”, ”Бандароўна”, “Магіла льва”. Рамантызм, абагуленасць і філасафічнасць Купалавай спадчыны актуальны і сёння, бо агульначалавечыя каштоўнасці вечныя , як і сам паэт.
Музычнае афармленне (гучыць песня “І вецер , і сокал , і я” (Верш Янкі Купалы, музыка Алеся Туранкова). На сцэну выходзіць хлопец (Лірнік, апрануты у старую паношаную кашулю, у руцэ гуслі). Гучыць верш на памяць Янкі Купалы “Малітва”
Я буду маліцца і сэрцам , і думамі,
Распетаю буду маліцца душой,
Каб чорныя долі з мяцеліцаў шумамі
Не вылі над роднай зямлёй.
На слайдзе дэманструецца “Гравюрна-літаграфічная акварэлька”. Беларускі графік Міхаіл Басалыга звяртаўся да небсяжных тэм мінуўшчыны нашага краю і лёсу роднай зямлі. Таму зусім не выпадковай была цікавасць майстра да асобы Купалы і яго знакамітай паэмы “Курган”. Сярод шэрагу ілюстрацый значнае месца займае партрэт Купалы. Яго фігура падаецца на фоне неабсяжнай прасторы . Свабодная пастава, задумлівы позірк, спакойны
6
7
твар ствараюць вобраз паэта-песняра. Здаецца, ён углядаецца ў глыб стагоддзяў.
Музычнае афармленне (гучыць песня”Янка Купала” верш Уладзіміра Някляева, музыка Уладзіміра Будніка). На сцэну выходзіць хлопец (Дойлід, апрануты ў паношанае адзенне з павязкай на галаве) . Гучыць верш С.Шушкевіча “ У Ляўках ля помніка Янку Купалу”.
Цяпер паэтаў задумлённы твар
У бронзе ўвекавечыў Анікейчык.
Купала ў палоне творчых мар.
І песняра хвалюе лёс, заўсёды нейчы.
Нямала падарожнікаў далёкіх, невядомых
З ўсіх краін часамі тут бывае,
Травой не зарастае сцежка каля дому
Паэта постаць вечна тут жывая.
На слайдзе дэманструецца “Скульптурная акварэлька”. Шмат задавалася пытанняў народнаму мастаку-скульптару Беларусі Анатолю Анікейчыку пра разуменне творчасці Янкі Купалы і ён адказаў: ”Любоў да Купалы - гэта адразу і назаўсёды. Я палюбіў паэта як Асобу…У Купалы мне падабаецца ўсё: знешнасць,вялікая шчодрасць, паэтычны талент і грамадзянкасць. Але зразумець, адчуць такую яркую, буйную асобу да канца, здаецца , немагчыма. ”У вобразный скульптуры кампазіцыі ў Ляўках скульптар Анікейчык перадаў драматызм роздуму паэта, узрушанасць яго душы. ”І каля паэта хочацца сцішыцца , каб пачуць галасы Зямлі, Паэта , Творцы”- так гаварыў скульптар пра ляўкоўскі помнік.
За сцэнай гучыць вакальны цыкл на вершы Янкі Купалы “Лета”. .А ў выкананні Паэта , Купалінкі , Лірніка і Дойліда чытаюцца радкі верша Кастуся Кірэенкі”Памяці песняра”
Толькі пачуеш: Купала,-
Толькі прамовіш: Купала,
І паўстае прад вачыма
Уся дарагая Айчына.
8
Літаратура
Часпісы “Роднае слова”2002 №%5,7,9,11.
Ю. Карачун. Янка Купала ў творчасці мастакоў Беларусі.
Беларуская мова і літаратура
Урок-падарожжа: Георгій Марчук .Навелы “Канон Богу” .“Канон Маці “. “Канон Базару” .“ Канон Ветру”. 11 клас. Аўтар - Леўкавец Марыя Максімаўна.
<script></script>